Nga shpërndarësit e rreme të picave e deri te maskimet me mjekër të rreme, disa nga kriminelët më të këqij në botë kanë përdorur maskime nga më të ndryshmet për të kryer krime të rënda, nga vrasjet te grabitjet me armë.
Ndërsa këto maskime shpesh mund të duken si qesharake, ato janë përdorur masivisht për kryerjen e krimeve.
Në nëntor, një mjek i përgjithshëm u burgos për 31 vjet pasi u përpoq të vriste partnerin e nënës së tij duke e helmuar, ndërsa ishte i maskuar si një infermier në komunitet.
Një vrasës suedez u vesh si mbledhës i mbeturinave, ndërsa tërhoqi vëmendjen e fqinjëve jo thjesht me maskimin e tij të çuditshëm, por edhe për shkak se si i mblidhte mbeturinat në një rrugë private dhe publike.
Flamur ‘Alex’ Beqiri, 36 vjeç, një shtetas suedez me origjinë shqiptare, u vra jashtë shtëpisë së tij prej 1.7 milion £ në Battersea, në jugperëndim të Londrës, në prag të Krishtlindjeve 2019.
Flamur ‘Alex’ Beqiri, 36 vjeç, baba i dy fëmijëve, motra e të cilit Misse Beqiri u shfaq në Real Housewives Of Cheshire, u godit dhjetë herë në dy sekonda me një pistoletë gjysmë automatike përpara gruas së tij dhe djalit të tyre dy vjeçar.
Vrasësi suedez u dënua me burg pasi qëlloi Flamur ‘Alex’ Beqirin përpara gruas së tij që bërtiste dhe djalit të tyre dy vjeçar.
Pamjet tronditëse të CCTV treguan Beqirin teksa ecte dorë për dore me gruan e tij, kur u ndesh me Anis Hemissin, 24 vjeç, i cili e qëlloi për vdekje nga pas.
Deborah Krasniqi u pa duke bërtitur dhe duke e përqafuar djalin e saj teksa bashkëshorti i saj ra në tokë, pasi ishte goditur nga tetë plumba.
Hemissi, një kikboksier profesionist, kreu një mision zbulimi katër-orësh dy ditë para goditjes në Battersea Church Road i maskuar si një grumbullues mbeturinash, duke mbajtur veshur një xhaketë dhe pantallona, syze dielli dhe një maskë latex të plotë të fytyrës.
Por ai bëri një gabim, pasi përdori një biçikletë të dizenjuar për femra, me një kosh në pjesën e përparme. Në Suedi kjo biçikletë konsiderohet unisex por në Britani e bëri atë të dallohej.
Vrasësi ndaloi biçikletën, hoqi maskimin e tij si mbledhës i mbeturinave, pasi u përball me një banor të Battersea, i cili e pa të dyshimtë se po pastronte një pronë private dhe një rrugë komunale.
Kikboksieri suedez Anis Hemissi, 22 vjeç, u arrestua për vrasjen e vëllait të yllit të Real Housewives të Cheshire, Flamur ‘Alex’ Beqiri në Londër.
Beqiri dhe zonja Krasniqi, të cilët bënë një pagesë paradhënie prej 950,000 £ për shtëpinë e tyre dhe gjithashtu morën me qira një pronë në Dubai, ishin martuar pak më shumë se një vit më parë në Cernobbio, pranë liqenit Como, Itali.
Zonja Krasniqi tha se ata ‘u dashuruan thellë’ në dasmën e motrës së tij, kur ylli i Real Housewives Of Cheshire Misse Beqiri u martua me ish-portierin e Manchester United, Anders Lindegaard.
Beqiri, i cili kishte kombësi të përbashkët suedeze dhe shqiptare, pretendonte se ishte në biznesin e muzikës, por ishte përfshirë në tregtinë ndërkombëtare të drogës nga Spanja, përmes Holandës dhe në Skandinavi që nga viti 2007 dhe ishte arrestuar disa herë në Evropë.
Ai ishte bërë gjithnjë e më i shqetësuar për sigurinë e tij disa muaj para atentatit, dhe kur darkonte jashtë ai dërgonte gruan e tij në fillim.
Ishte një paranojë. Hemisi më vonë u burgos me 35 vjet për vrasjen e mbretit të drogës.
