Kandidati për deputet i NISMA-s, Zafir Berisha ka folur pas deklaratës së Fatmir Limajt të dhënë mbrëmë e ku u shpreh i gatshëm për të bërë koalicion me Lëvizjen Vetëvendosje.
Berisha, në një prononcim tha se deklarata e Limajt është ”keqkuptuar dhe keqinterpretuar’.
Sipas tij, Limaj nuk e kishte fjalën për koalicion, por për të biseduar për çështej të mëdha për Kosovën.
”Deklarata e Fatmirit mendoj që është keqkuptu se kund nuk foli për kualicion të mundshëm. Është keqkuptu dhe keqinterpretu.
Me u ulë me bisedu për çështje të Kosovës dhe me u ulë me bisedu për kualicion, ka dallim”, u shpreh Berisha.
I pari i NISMA-s, Fatmir Limaj u pyet nëse ka vija të kuqe për ndonjë parti.
Ai deklaroi se është i gatshëm të negociojë me cilëndo parti që e fton.
“Kusht t’më fton në tavolinë, unë shkoj ulna – për tema nacionale. Çka po të vynë një qeveri jo funksionale, kurrë. Nuk hy në një qeveri jofunksionale. As me opozitën nuk e përjashtojë që ulem”, tha Fatmir Limaj.
