Një humbje e madhe ka tronditur komunitetin arsimor në Malishevë, pasi është ndarë nga jeta në moshë të re arsimtarja e Artit Figurativ, Florentina Krasniqi-Mazreku.
Lajmi i trishtë është bërë i ditur nga SHFMU “Ibrahim Mazreku” – Malishevë, ku ajo punonte si mësimdhënëse. Kolektiviteti i shkollës dhe nxënësit e saj do ta kujtojnë gjithmonë për përkushtimin, profesionalizmin dhe dashurinë që tregonte ndaj edukimit.
Në shenjë zie dhe respekti, shkolla ka vendosur të pezullojë mësimin më 1 prill 2025. Po ashtu, në orën 13:30, do të mbahet një mbledhje përkujtimore në Shtëpinë e Kulturës “Tahir Sinani”, ku do të nderohet jeta dhe kontributi i saj në arsim.
Varrimi i së ndjerës do të bëhet më 1 prill 2025, në orën 15:00, në varrezat e Malishevës.
Ngushëllime të sinqerta familjes, të afërmve, kolegëve dhe gjithë atyre që e njohën dhe punuan me të. Kujtimi i saj do të mbetet i paharruar!
