Gerta dhe Gjesti, dy nga personazhet më të komentuara të Big Brother VIP Albania, janë përfshirë sërish në një debat të ashpër brenda shtëpisë.
Gjatë një diskutimi, Gerta e ka sfiduar Gjestin me fjalët: “Ti je për meme”. Por, ai nuk e ka lënë pa përgjigje, duke u shprehur se pas daljes nga shtëpia do të shkruajë histori për veten e tij.
“Do shkruaj ‘kam nxjerrë këtë, kam nxjerrë atë’”, tha Gjesti, ndërsa Gerta vuri në dyshim motivet e tij, duke theksuar se BBV nuk është meme. Në kundërpërgjigje, Gjesti u shpreh se qëllimi i tij në këtë format është shumë më i madh se thjesht fama.
Në vijim të debatit, Gerta ka kërkuar një krahasim për veten, duke thënë: “Ke parë ndonjë mami me dy çuna kështu si mua ti?”. Ndërsa Gjesti, me ironi, i është përgjigjur: “Ti je yll moj”.
Nga ana tjetër, ai e ka akuzuar Gertën se nuk ka ndjenja: “Ti shpirt nuk ke, e ke lënë në shtëpi”. Por, Gerta ka reaguar duke thënë se është një person pa komplekse dhe mendjehapur, i cili nuk ka problem të shfaqë personalitetin e tij në çdo situatë.
