Është arrestuar një 39-vjeçar nga Kukësi pasi tentoi të kontrabandojë rreth 1.2 tonë naftë në Shqipëri përmes kufirit me Kosovën.
Rasti u zbulua pas kontrollit të bërë nga shërbimet e policisë kufitare në rrugën Pakisht-Kukës, ku u ndalua automjeti.
“Pas kontrollit në brendësi të furgonit, policia gjeti dhe sekuestroi rreth 1.2 tonë naftë të futur kontrabandë nëpërmjet Pakishtit, jashtë pikave të kalimit kufitar dhe shërbimeve doganore, duke iu shmangur kontrollit kufitar dhe doganor.
Sasia e karburantit u sekuestrua në cilësinë e provës materiale, ndërsa drejtuesi i automjetit u arrestua në flagrancë për veprat penale: “Kontrabandë me mallra që paguhet akcizë” dhe “Kalim i paligjshëm i kufirit shtetëror”, thuhet në njoftimin e Policisë së Shtetit.
