Mbrëmë pak para mesnatës, në lagjen Kalabria në Prishtinë, forca të shumta policore kanë intervenuar në një lokacion, ku u dëgjuan të shtëna me armë zjarri dhe për pasojë ka të plagosur.
Dy persona dyshohen për incidentin, që tashmë po hetohet si tentim vrasje.
Bazuar në informacionet e para, viktima që u qëllua me armë ka pasur fillimisht një mosmarrëveshje me dy personat e dyshuar.
I njëjti është dërguar për trajtim mjekësor dhe është jashtë rrezikut për jetë.
Në vendin e ngjarjes mbrëmë janë kryer ekzaminimet e nevojshme nga njësitë përkatëse të Policisë.
Nga Policia Rajonale në Prishtinë e kanë konfirmuar rastin dhe kanë bërë me dije se të dyshuarit gjenden në arrati.
