Një incident ka ndodhur pak më parë në Prishtinë, ku janë dëgjuar të shtëna me armë zjarri në rrugën “Dëshmorët e Kombit”.
Lajmi është konfirmuar nga Policia e Kosovës, ku zëdhënësja e Policisë për rajonin e Prishtinës, Flora Ahmeti ka bërë të ditur se bazuar në të dhënat fillestare, nuk ka pasur persona të lënduar.
Tutje, Ahmeti shtoi se Policia ka dalë në vendin e ngjarjes teksa ka nisur hetimet lidhur me rastin.
”Rreth orës 20:30 është raportuar për një gjuajtje me armë zjarri në rrugën ”Dëshmorët e kombit” në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin. Bazuar në të dhënat fillestare nuk ka pasur persona te lënduar” tha ajo.
