Nga këto rënie ende pa u aplikuar tarifat e Trump, bursat evropiane kanë humbur plot 245 miliardë dollarë.
Ditë negative për bursat evropiane. Tregjet e BE-së po ndjejnë efektet e zbatimit të afërt të tarifave të SHBA-së, të planifikuar për në 2 Prill.
Ndër aksionet individuale gjermane, performancë negative shënuan ‘BMW’ me (-3,22%), ‘Mercedes Benz’ ra me (-2,84%), ‘Airbus’ ra me (-1,78%). Në Londër, ‘IAG’ kompania shumëkombëshe anglo-spanjolle që kontrollon Biritish Airways dhe Iberia, ra me (-6.62%). Në Paris vlen të përmenden Louis Vuitton me një rënie (-2,49%) dhe Pernod Ricard me një rënie (-2,8%).
Nga këto rënie, ende pa u aplikuar tarifat e Trump, bursat evropiane kanë humbur plot 245 miliardë dollarë. Prandaj, tarifat e shpallura nga Donald Trump po bien si një sëpatë në bursat evropiane. ‘Stoxx 600’, indeksi i aksioneve që përfshin 600 aksionet kryesore evropiane, regjistroi një rënie prej (1.5%), duke shënuar një humbje 245 miliardëshe.
Evropa rrezikon të mbytet edhe në bursë
Tregjet financiare vazhdojnë të lundrojnë me sy në këtë periudhë pasigurie të shkaktuar nga masat e miratuara nga administrata e re amerikane dhe të zvogëlojnë efektet e tyre të mundshme në ekonominë globale. Madje edhe bursat evropiane, të cilat prej disa muajsh po udhëtonin në një rrugë më optimiste se Wall Street, kanë filluar të vuajnë.
“Ndërsa i afrohemi 2 Prillit, data kur ne presim të kemi detaje mbi tarifat e vendosur. Tregjet evropiane nuk janë të lira nga pasiguria dhe paqëndrueshmëria, performanca e tyre më e mirë ndaj SHBA-së është ulur pjesërisht në pritje të shikueshmërisë më të mirë në frontin tarifor dhe konfirmimeve të nevojshme në frontin fiskal”, shprehet Antonio Cavarero, Shefi i Investimeve në Generali Asset Management.
Lufta e tarifave vazhdon
Duke parë në detaje planin tarifor të Donald Trump, presidenti amerikan, sipas Wall Street Journal, po shqyrton tarifat universale prej 20% për të gjitha vendet që tregtojnë me SHBA-në. Në të njëjtën kohë, megjithatë, tarifat, sipas manjatit, do të jenë më të buta se ato që këto vende u kanë dhënë Shteteve të Bashkuara të Amerikës gjatë dekadave. Pra, pasiguria ende mbretëron në frontin tregtar, ndërsa në frontin gjeopolitik, tensionet mes Shteteve të Bashkuara dhe Rusisë duket se po rindizen.
Energjia dhe monedhat
Në tregun valutor euro dhe dollari kanëpësuar rënie. Në frontin e energjisë, nafta e papërpunuar ka pësuar një rritje me (+0,3 %) duke e çuar në 69,55 dollarë për fuçi. Gazi natyror ka pësuar një ulje me (-1.8%). Ari nga ana tjetër arriti një nivel të ri, u rrit me (+1,1%). Se si do të lëvizin shifrat pas datës 2 prill mbetet për tu parë, por pasiguria është në kulm.
