Klubi holandez i Heerenveen me trajner Robin Van Persien u mposht nga klubi i Fortuna Sittard, sepse këta të fundit kishin 12 lojtarë në fushë.
Gjyqtari nuk vuri re që një nga lojtarët e Fortunas nuk u largua nga fusha gjatë një zëvendësimi dhe me një avantazh numerik, Fortuna shënoi nga këndi në minutën e 90-të për 2-2.
Në ndeshjen në shtëpi ndaj Sittardit, skuadra e ish-sulmuesit të Arsenalit kryesoi për një kohë të gjatë me rezultat 2-1. Por, pak para fundit, Heerenveen pranoi golin e barazimit nga ekipi që luajti me 12 lojtarë në fushë.
E, për Van Persien kjo që ndodhi ishte thjeshtë absurde.
“Normalisht nuk flas kurrë me arbitrat dhe i lë gjithmonë të bëjnë punën e tyre, por si mund të ndodh që ata të luajnë me 12 lojtarë. Kjo është e paimagjinueshme dhe absurde”, tha ai.
