Protestë kundër shtrenjtimit të çmimit të energjisë elektrike është planifikuar për nesër, në orën 15:00, në Sheshin Zahir Pajaziti.
Kjo pas propozimit të ZRRE-së për një rritje prej 15% të tarifave të rrymës.
Ekonomistja Vjollca Nura e ftuar theksoi se kjo rritje nuk do të prekë vetëm çmimin e energjisë elektrike, por do të shkaktojë një rritje zinxhir në të gjitha produktet dhe shërbimet.
Sipas Nurës, kjo do të ketë ndikim të drejtpërdrejtë tek qytetarët, duke përfshirë shtrenjtimin e produkteve themelore si buka, uji dhe artikuj të tjerë esencialë.
