Deputetja e Kuvendit të Kosovës nga radhët e Lidhjes Demokratike të Kosovës e ka akuzuar rëndë Dejona Mihalin, për të cilën tha se i takon kombësisë greke, e jo asaj shqiptare.
Bunjaku tha se shteti po udhëhiqet nga Dijona, e cila gjeti hapësirë nga Lëvizja Vetëvendosje.
“Dejonen s’du as me përmend. Një greke që vjen ta udhëheq një shtet. Na kemi shqiptarë këtu që duhet me e udhëheq shtetin. Në kohën kur partitë tjera nuk i kanë dhënë leje qendrimi, ajo vjen edhe ta udhëheq komplet Vetëvendosjen, edhe komplet Qeverinë. Këtë situatë e ka sjell Lëvizja Vetëvendosje, një greke me udhëheq shtetin”, tha ajo.
Bunjaku shtoi se në Lidhjen Demokratike të Kosovës nuk ka “Dejonë”, teksa tha se brenda kësaj partie punohet me bashkëpunim e unifikim të plotë.
“Unë si deputete dhe të gjithë deputetët tjerë janë të lirë për voton e vet me vendos me votu qysh të dojnë vetë. Ndërsa, në LVV deputetët i konsideron Dejona si me qenë nxënës, i thotë çojeni dorën, votojeni, uleni dorën, mos votoni”, shtoi Bunjaku.
