Gripi i shpendëve (H5N1) është detektuar për herë të parë në një kope me dhenë në Angli, gjatë një kontrolli të zakonshëm në një fermë në zonën e Yorkshire.
Ky rast i vetëm ndodhi në një fermë ku më parë ishte konfirmuar shpërthimi i gripit të shpendëve te zogjtë. Pas këtij rasti, nuk u detektua infeksion tjetër në kopën e mbetur të kafshëve.
Qeveria ka theksuar se, edhe pse ky është rasti i parë i këtij virusi në një kafshë të tjera, gripi i shpendëve ka prekur edhe kafshë të tjera në shtete të tjera. Sipas Departamentit të Mjedisit, Ushqimit dhe Çështjeve Rurale (DEFRA), nuk ka prova që sugjerojnë një rrezik të shtuar për kafshët e tjera të fermës.
Fermerët janë paralajmëruar që të mbeten vigjilentë dhe të mbajnë masa të forta për të parandaluar përhapjen e sëmundjes. Oficerja kryesore veterinare e Mbretërisë së Bashkuar, Christine Middlemiss, e theksoi rëndësinë e pastërtisë dhe raportimit të çdo shenje infeksioni te Agjencia e Shëndetit të Bimëve dhe Kafshëve.
Dr. Meera Chand nga Agjencia e Sigurisë Shëndetësore e Mbretërisë së Bashkuar, theksoi se gripi i shpendëve mund të infektojë gjitarët, por provat aktuale sugjerojnë se virusi nuk përhapet lehtësisht tek njerëzit dhe rreziku për publikun mbetet shumë i ulët.
