Hoxha Besfort Maxhuni nga Vushtrria ka denoncuar një hoxhë në Prishtinë, pa përmendur emrin, për rukje ilegale.
Maxhuni këtë e ka bërë me anë të një postimi në ‘Facebook’, ku ka thënë se ka dëgjuar një rast real në kryeqytet ku “një hoxhë I diplomuar në vendet arabe” bën prekje dhe muhabet të papranueshëm me gra.
Hoxha Maxhuni ka pretenduar për hoxhën në fjalë edhe se sjellë të huaj nga Maroku për trajtimin e grave.
“Rast real – Prishtinë, vera e kaluar. Më janë rrëfyer me fakte e prova raste nga familjarë të ndryshëm: Një hoxhë i diplomuar në vendet arabe, ushtron rukje në mënyrë të ndaluar: Izolohet me gra pa mahrem në dhoma të errëta. Prekje dhe muhabet të papranueshme. . Sjell të huaj nga Maroku për të “trajtuar” gratë tona. Punëson gra jo-mahrem si sekretare. Përdor libra të hoxhallarëve të ndershëm për t’u reklamuar”, ka thënë ndër të tjera ai.
Postimi i plotë:
Për fat të keq, sot shumë “qendra rukjesh” janë kthyer në vende ku ndodhin shkelje të rëndë të fesë dhe moralit.
Martesa jashtëligjore, shfrytëzim i grave, e deri tek ajo që dikur quhej “xhini ashik”, sot është vetë hoxha ashik!
Rast real – Prishtinë, vera e kaluar
Më janë rrëfyer me fakte e prova raste nga familjarë të ndryshëm:
Një hoxhë i diplomuar në vendet arabe, ushtron rukje në mënyrë të ndaluar:
Izolohet me gra pa mahrem në dhoma të errëta
Prekje dhe muhabet të papranueshme
Sjell të huaj nga Maroku për të “trajtuar” gratë tona
Punëson gra jo-mahrem si sekretare
Përdor libra të hoxhallarëve të ndershëm për t’u reklamuar
Ky nuk është shërim, është shkatërrim i fesë dhe i familjeve!
Nëse e njihni këtë “hoxhë”, çojani këtë fjalë:
Na keni bërë horë dhe rezil.
Mbylle qendrën sa më parë!
Sepse familjet që ua ke cenuar nderin janë shtuar.
Mos lejoni që emri i fesë të përdhoset!
Mos heshtni përballë padrejtësisë!
Allahu na dhashtë dije, drejtësi dhe guxim!
