Prej orës 18:40 opozita po proteston në Tiranë me një tur ndalesash në disa institucione ku janë hedhur molotovë dhe lëndë plasëse.
Policia e Shqipërisë në një njoftim për media, bën me dije se janë dëmtuar 10 punonjës policie si pasojë e sulmeve.
Më tej, Policia i bën thirrje protestuesve që të ndalin sulmet me molotov dhe me mjete prioteknike mbi Policinë dhe institucionet shtetërore.
Njoftimi i policisë:
Shërbimet e Policisë janë të angazhuara maksimalisht për mbrojtjen e institucioneve shtetërore, pronën publike dhe private, jetën e qytetarëve dhe të vetë punonjësve të Policisë.
Që prej fillimit të tubimit një pjesë e qytetarëve në tubim sulmuan e vijojnë te sulmojnë Policinë dhe godinat e institucioneve shtetërore me molotov e lëndë plasëse.
Deri në këto momente nga sulmet e qytetarëve në tubim, me molotov, lëndë piroteknike e sende të forta ndaj Policisë, janë dëmtuar 10 punonjës Policie.
Policia e Shtetit iu bën thirrje qytetarëve pjesëmarrës në tubim, të ndalojnë sulmet me molotov e lëndë piroteknike mbi Policinë dhe institucionet shtetërore.
Policia ka marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore.
