Vullneti ka folur pas rrëfimit ekskluziv që e bëri në Big Brother VIP Kosova 3 ku tregoi se është ‘gay’.
Ai derisa fliste pranë motrës së tij tha se kjo është gjëja më e rëndësishme, sepse tha se do që të tregojë se seksualiteti duhet të pranohet edhe nga familjarët dhe rrethi i gjerë.
“Unë kam luftuar shumë që të jem Vullneti që lufton për të vërtetën dhe tani po ndihem i çliruar”.
“E di që pas kësaj historie do të paragjykohem shumë, kam me u shajtë shumë, por jam mësuar me këto sharje dha paragjykime, por besoj se pas një periudhe të gjatë, kjo do të ndikojë shumë mirë tek njerëzit e tjerë që të mësohen dhe të pranojnë se si jetojnë dhe çka duan”, tha Vullneti.
