Një javë historike për këngëtarin Gjesti.
Me 19 prill Gjesti u shpall fitues i Big Brother VIP Albania 4, duke rrëmbyer çmimin e madh prej 100 mijë eurosh.
Pas shumë ditësh qëndrimi brenda edicionit në Shqipëri dhe paraprakisht në Kosovë, ai ia doli të realizojë ëndrrën e tij, të dalë triumfues.
Së fundmi, ai po e shijon famën dhe gjithë dashurinë e publikut.
Madje, në Instagramin e tij ndjekësit po shtohen shumë dita ditës. Ai tashmë ka kaluar shifrën prej 600 mijë ndjekës në këtë rrjet social, dhe kjo tregon se ka shumë fansa jashtë të cilët e presin për muzika të reja.
Pas fitores, artisti ka paralajmëruar se do të ketë shumë këngë të reja dhe befasi.
