Operacion i madh po zhvillohet përpara gjykatës rajonale në Bielefeld të Gjermanisë, ku u dëgjuan të shtëna para ndërtesës dhe dyshohet se janë plagosur disa persona, familjarë të të akuzuarit për vrasjen e boksierit shqiptar, Besar Nimani.
Kështu të paktën po raportojnë mediumet gjermane, ku citohen dëshmitarët okularë, që kanë thënë se kanë parë disa persona të shtrirë në tokë, pas plagëve të marra.
Të plagosurit thuhet se janë babai dhe vëllai i të akuzuarit.
Mediumi thotë se vëllai i të akuzuarit është plagosur në këmbë, ndërsa babai i tij në gjoks – dhe ndodhet në gjendje kritike.
Mediat gjermane kanë publikuar edhe fotografi nga vendi i ngjarjes, ku shihet një ekip mjekësor duke i dhënë ndihmë njërit nga të plagosurve.
Po ashtu, në fotografi është publikuar edhe njëri nga të dyshuarit që ka rënë nën prangat e policisë gjermane.
