Kryetari i Kuvendit të Kosovës, Glauk Konjufca, e ka komentuar fjalimin e presidentes Osmani në Kuvend, e cila kishte disa kritika për punën e Qeverisë.
Mes tjerash, në fjalimin vjetor Osmani ka thënë se Qeveria po luan bixhoz me aleatët për interesa politike.
Në lidhje me këtë, kryeparlamentari Konjufca ka thënë se presidentja nuk i ka gjetur fjalët e duhura për ta bërë një kritikë. Sipas tij, ekzistojnë forma të tjera për t’i shprehur mospajtimet e kritikat, por fjalët ‘goditëse’ nuk janë të duhura.
“Unë nuk mendoj që presidentja e ka gjetë fjalën më të duhur për ta bërë një kritikë për Qeverinë. Mendoj që ka edhe mënyra tjera si shprehet kjo. Mospajtimet gjithmonë i kemi pasë edhe ato janë evidente sidomos për temat, dialogu, asociacioni i komunave, vendimi apo jo i asociacionit në Kushtetuese veprimet e Qeverisë në veriun e Kosovës…Mund të ketë dallime, mirëpo mendoj se duhet të ja ruajmë inegritetin institucioneve dhe përgjegjesisë që përfaqësojmë. Ma merr mendja që ka hapësirë të madhe që kritikat edhe mospajtimet me i shpreh në mënyra tjera dhe jo me përdorë fjalë të cilat janë goditëse për njëra-tjetrën”, është shprehur Konjufca.
