Presidentja e Republikës së Kosovës, Vjosa Osmani, ka pranuar sot letrat kredenciale të ambasadorit të ri të Bullgarisë në Kosovë, Hristo Kraevski, gjatë një takimi të zhvilluar në Presidencë.
Në këtë takim, Presidentja Osmani e ka uruar Ambasadorin Kraevski për detyrën e tij të re dhe ka shprehur mirënjohje të thellë për mbështetjen e vazhdueshme të Bullgarisë ndaj Kosovës, veçanërisht në forcimin e sovranitetit dhe integritetit territorial, si dhe në procesin e integrimit euroatlantik të Kosovës.
Osmani gjithashtu theksoi nevojën urgjente për heqjen e masave të padrejta të Bashkimit Evropian ndaj qytetarëve të Kosovës, duke theksuar dëmin e këtyre masave për qytetarët pa dallim.
Gjithashtu, Osmani vlerësoi angazhimin e Bullgarisë për sigurimin e stabilitetit dhe paqes rajonale dhe globale, si dhe mbështetjen e Presidentit bullgar, Rumen Radev, për Kosovën në këtë drejtim.
