Ish-presidenti Barack Obama ka hapur një kapitull të ri në jetën e tij personale, duke ndarë për herë të parë publikisht sfidat që ka përjetuar në martesën me Michelle Obama gjatë periudhës kur ai ishte president i Shteteve të Bashkuara.
Ai pranoi se periudha e tij në politikë ka pasur ndikim të thellë në marrëdhënien e tij me bashkëshorten, duke e cilësuar si një periudhë të vështirë për çiftin.
Në një intervistë me presidentin e Kolegjit Hamilton, Stephen Tepper, Obama theksoi se kishte pasur një “përçarje të thellë” mes tij dhe Michelle.
“Kështu që unë përpiqem të dal nga kjo situatë duke bërë herë pas here gjëra argëtuese,” shtoi ai.
Ndërkohë, Michelle Obama ka ndarë gjithashtu përvojat e saj, duke treguar se gjatë kohës që Barack ishte i angazhuar në politikë, ajo ishte përqendruar në rritjen e vajzave të tyre, Sasha dhe Malia.
Gjatë kësaj periudhe, çifti u përball me thashetheme lidhur me një mundësi divorci, për shkak të faktit se Michelle nuk e shoqëroi bashkëshortin në disa ngjarje të rëndësishme, si funeralin e Presidentit Jimmy Carter dhe inaugurimin e Donald Trump.
Pavarësisht thashethemeve, Michelle dhe Barack janë munduar të minimizojnë këto spekulime, duke postuar herë pas here fotografi së bashku dhe mesazhe dashurie në përvjetorin e Shën Valentinit, duke treguar se marrëdhënia e tyre ka mbijetuar përpjekjeve të kohës.
Michelle dhe Barack u takuan në fund të viteve 1980 në një studio ligjore dhe u martuan në vitin 1992.
Në një podcast të fundit me vëllain e saj, Craig Robinson, Michelle theksoi se martesa nuk është gjithmonë e lehtë dhe kërkon përpjekje të vazhdueshme dhe pranimin e të metave të partnerit.
Ajo gjithashtu shpërndau një nga shqetësimet më të mëdha, duke përmendur vonesat e Barack dhe vështirësinë që ai ka pasur për të qenë i përpiktë.
