Prej ditës së enjte dhe për 48 orë, Tirana mund të konsiderohej ndër qytetet me sigurinë maksimale, ku së paku 1500 trupa policore dhe agjentë të shërbimeve ligjzbatuese u angazhuan për të siguruar samitin e Komitetit Politik, që mblodhi në kryeqytetin shqiptarë liderët të vendeve të BE, por jo vetëm, si dhe zyrtarët më të lartë të NATO-s.
Nga video e mëposhtme duket qartë se në atë që mund të konsiderohet si operacioni i sigurisë nuk kanë munguar as qentë anti-eksploziv, por edhe helikopterët që mbikqyrinin situatën nga lart. Përveç forcave të rendit dhe atyre Shqiponja, për të garantuar sigurinë e delegacioneve u angazhuan edhe forcat RENEA, por edhe ato Delta.
Të armatosur me armë automatike, siguria e delegacioneve niste nga pista e aeroportit Nënë Tereza dhe vijonte përgjatë të gjithë perimetrit të rrugës deri në akomodimin e delegacioneve.
