Ester Bylyku, moderatorja që cila prej 9 vitesh ka moderuar emisionin “Glamour Zone”, krejt pa pritur bën një kthesë të re në karrierën e saj.
Bylyku, nga ambientet e një limuzine ku realizonte intervistat për emisionin e saj, do të kalojë në zyrën drejtuese të policisë gjyqësore që do të bëjë procesin e vettingut në Doganat shqiptare.
Tani, të gjithë doganierët do të merren në pyetje prej saj. Moderatorja ka reaguar me anë të një story me veshje zyre: “Më mirë me kostum”.
Për shumëkënd ky ‘hap’ i ri i moderatores u duk shumë i çuditshëm, duke nisur që nga mosha e re që ajo ka. Për dikë tjetër, është një post me të cilin ‘e kanë qerasur’ Esterin.
Gjithsesi, duket se Bylyku nuk do heqë dorë nga moderimi, pasi ka lajmëruar për nisjen e emisionit ‘Glamour’.