Kryetarja e Komunës së Preshevës, Ardita Sinani përmes një postimi në “Facebook”, ka njoftuar se nesër do të ketë protestë në Bujanoc.
Kjo protestë, siç shkruan Sinani është kundër shtypjes e diskriminimit që i bëhet shqiptarëve nga Beogradi.
Protesta do të mbahet në orën 11:00 në Sheshin e Bujanocit.
“Të dashur qytetarë të Komunës së Preshevës, Të nderuar shqiptarë të Luginës, Kanë mbetur edhe pak orë nga PROTESTA. Protestë për drejtësi, barazi. Kundër shtypjes, diskriminimit e shkeljes që na bëhet nga Beogradi. Të dalim bashkë, pa dallim. Të ngrisim zërin tonë. Për IDENTITET e DINJITET. Zërin e shqiptarëve të diskriminuar. Takohemi nesër në ora 11:00 në Sheshin e Bujanocit,” ka shkruar Sinani.
