Nëna e Edon Zhegrovës, Sanije Zhegrova, ka rrëfyer për periudhën kur djalin e saj po e kërkonin për ekipin Genk të Belgjikës.
Ajo thotë se kishte hezituar që i biri të shkonte atje i vetëm, pa familje.
“Unë insistova i thash jo. Menaxherit i thash nëse doni me marrë Edonin me familje po. Unë krejt jetën ia kam kushtuar Edonit. Kurrë nuk e mendoj, se djali kishte arritur nëse nuk do e kishte pasur përkrahjes tonë, sepse është shumë domethënëse”, u shpreh nëna e 25-vjeçarit.
Ajo tutje tregoi se pasi i biri shkoi atje, fliste në telefon me të, për të motivuar që të vazhdonte rrugën që e kishte nisur.
“Luli (burri) ishte në punë, unë tërë natën merresha me djalin. Ka qenë në kamp, unë tërë natën bisedojsha me video call, i thosha se ata janë njerëz të mirë. Edoni ka lindur në Gjermani, ne kishim kontakte. Nuk ka qenë e lehtë. Familja është çelësi”.
