Kur çnjerëzimi bëhet politikë shtetërore, dalin në pah abuzime dhe mizori që duken si trillime nga librat e thriller-ëve psikologjikë. Lexojmë për këto mizori, shokoheni – por, për fat të keq, për ukrainasit ky tmerr nuk është fiksion, por një realitet i dhimbshëm që ndodh nën regjimin e Putinit, veçanërisht në kampet e tij të burgimit.
Këto fakte tronditëse janë raportuar nga gazeta gjermane BILD, bazuar në dëshmitë e Natalia Vlasova, një grua ukrainase e cila është dënuar padrejtësisht me 18 vite burg për “terrorizëm”. Dënimi u shqiptua në prag të Krishtlindjes së vitit 2024, me pretendimin se Natalia dhe dy të pandehur të tjerë kishin tentuar në vitet 2018-2019 të vrisnin Vasily Evdokimov, drejtorin e burgut famëkeq të torturave Izoljatsia në Donjeck.
Pas pushtimit të qytetit në vitin 2014, ky burg famëkeq u kthye nga një qendër arti në një “fabrikë vdekjeje”. Natalia u arrestua dhe u mbajt aty për katër muaj në vitin 2019, ku përjetoi tmerrin më të madh të jetës së saj. Dëshmitë e saj u censuruan nga regjimet ruse, por motra e saj, Olena, i bëri publike për gazetën ukrainase Ukrainska Pravda.
Vasily Evdokimov, i paraqitur nga autoritetet ruse si “viktimë,” është në fakt një bishë torturash. Natalia dëshmoi:
“Ky vend quhet fabrika e vdekjes. Shefi i saj ishte Evdokimov. Arrita deri aty sa të lutesha që të më pushkatonin, por ai më tha: ‘Jo, duhet të vuash.'”
Tmerri i pastër: një pamje nga burgu i torturave Izoljatsia
Natalia përshkruan se si Evdokimov vetë i sharronte dhëmbët me një limë thonjsh dhe përfshihej në tortura të tjera mizore dhe poshtëruese. Ajo gjithashtu tregoi se ishte kërcënuar me jetën e vajzës së saj pesëvjeçare, duke e çuar atë në një pikë ku humbi çdo ndjenjë dhe shpresë.
Ajo u përdhunua sistematikisht nga grupe burrash dhe iu nënshtrua torturave elektrike dhe abuzimeve të tjera të paimagjinueshme. “Kur nuk ulërija mjaftueshëm, ata rrisnin intensitetin e rrymës. Donin të dëgjonin ulërimat e mia,” kujton ajo.
Natalia dhe dy të pandehurit e tjerë, Sergij Grusninow (i dënuar me 20 vite burg) dhe Wiktor Schidlowski (i dënuar me 22 vite burg)
Natalia tani po vuan një dënim të padrejtë 18-vjeçar në një kamp rus, ndërsa vajza e saj Julia, vetëm pesë vjeç, mund të mos e shohë nënën gjatë gjithë fëmijërisë së saj. Kjo ndëshkim vjen jo për ndonjë krim të kryer, por thjesht sepse Natalia është ukrainase.
