Verifikimi i rezultateve preliminare të votave nga Komisioni Qendror i Zgjedhjeve (KQZ) ia ka shtuar Partisë Demokratike të Kosovës një ulëse më shumë në legjislaturën e ardhshme.
Pas verifikimit të votave në mbi 92 vendvotime, PDK-ja e ka rritur numrin e ulëseve në 26, duke ia marrë një mandat LDK-së, e cila momentalisht ka rënë në 19 ulëse.
Gjatë procesit të numërimit të votave të kandidatëve për deputetë është bërë edhe verifikimi i votave të subjekteve politike nga formularët të cilët janë plotësuar në vendvotime pas numërimit të votave për subjektet politike.
Meqenëse ende nuk janë verifikuar votat në disa vendvotimeve në Prishtinë, Pejë e Podujevë, ky rezultat mund të ndryshon.
Duke pasur parasysh numrin më të madh të votave të LDK-së në këto komuna, në fund të procesit prapë rezultati mund të jetë 25-20 me numër të deputetëve.
