Blerina Kelmendi, motra e Gjestit, ka reaguar me tone të ashpra në një postim në Instagram, pas lajmeve që po qarkullojnë lidhur me marrëdhëniet e saj personale.
Ajo ka mohuar kategorikisht të ketë ndonjë përfshirje në konfliktet e supozuara mes Djellzës – ish-partneres së vëllait të saj – dhe Eglit, partneres aktuale të tij.
Në një “story” të ndarë me ndjekësit, Blerina shpreh qartë zhgënjimin për përfshirjen e saj në këto spekulime.
“Më vjen keq që përdoret vajza që s’ka të bëjë me këtë histori dhe i lidhin gjërat që s’kanë të bëjnë me realitetin” – shkruan ajo, duke e cilësuar situatën si “turpëruese”.
Reagimi i saj vjen pas aludimeve se miqësia e saj me Djellzën mund të ketë ndikuar në largësinë me Eglin, gjë që është përforcuar nga fakti se Blerina nuk e ndjek Eglin në Instagram – një detaj që ka ndezur thashethemet në rrjet.
Blerina, megjithatë, kërkon të qartësojë se është e lodhur nga spekulimet dhe kërkon që emri i saj të mos tërhiqet më në histori të pavërteta.
Ajo shpreh edhe shqetësimin për mënyrën si cenohet privatësia në rrjetet sociale, duke shtuar me ironi: “Cila nga shoqet e mia do të përdoret tani?”.
