Kamerat e sigurisë kanë kapur momentin e një aksidenti të rëndë që ndodhi mesnatën e së hënës në rrugën “Wesley Clark” në Prizren.
Në video shihet qartë përplasja e tri veturave, duke shkaktuar lëndime trupore për katër persona dhe dëme të mëdha materiale.
Sipas zëdhënësit të Policisë së Prizrenit, Vesel Gashi, aksidenti ndodhi rreth orës 00:28.
“Bëhet fjalë për një aksident me lëndime dhe dëme materiale. Hetimet janë duke u zhvilluar nga Stacioni Policor në Prizren”, tha ai.
Gashi shtoi se personat e lënduar janë dërguar menjëherë për trajtim mjekësor.
Pamjet nga vendngjarja tregojnë momentin kur automjetet përplasen me shpejtësi, duke krijuar një skenë kaotike në rrugë.
Video Player
