Shirley Arica është një nga modelet më të famshme në Peru dhe së fundmi, e ftuar në emisionin “Truth or Dare” ajo dha një deklaratë e cila shkaktoi panik në komunitetin e futbollit të vendit.
Modelja zbuloi se ishte në një festë private me futbollistët peruan Cristian Cueva (ish-lojtar i Rayo Vallecano), Luis Advincula (Boca Juniors) dhe Yoshimar Jotun, i cili luan për Sporting Cristal.
“Aty mund të ndodhte çdo gjë, ishte një festë e lirë me shumë alkool dhe shumë kërcim”, tha modelja 35-vjeçare, ndërsa vijoi të përshkruajë mënyrën sesi tre futbollistët iu afruan.
“Personi i parë që më afroi ishte Cueva. Ishte i kujdesshëm dhe zotëri, donte të më dehte, por e humbi kohën kot, se nuk dehem kollaj.
Pastaj kërcyem dhe e vërteta është se ai kërcen bukur. Jotuni, natyrisht, ishte më i pashëm dhe më interesant, por ai nuk më kushtoi vëmendje.
Pastaj Cueva më çoi në banjë, u puthëm, fillova ta shihja atë më të pashëm. Nuk e di nëse fajin e ka pasur alkooli, por e shijova”.
Shirley ka pohuar se në festë ka pasur shkëmbime partnerësh, ndërsa nuk ka përmendur asnjë “skenë” me Advincula, ndonëse më pas e pyetur nëse ka qenë në festë me këta tre lojtarë, ajo është përgjigjur po.
Cili ka qenë reagimi i parë i tre futbollistëve emrat e të cilëve u përmend nga Arica?
Ata nuk kanë bërë asnjë deklaratë, por thjesht kanë çaktivizuar komentet në postimet e tyre në Instagram.
