Bayer Leverkusen ka pësuar disfatë në xhiron e dytë të edicionit të ri të Bundesligas, një humbje e cila vjen pas një kohe të gjatë.
Skuadra e drejtuar nga Alonso është mposhtur me rezultat 3-2 në shtëpi të vet.
Pavarësisht se kishin avantazhin e dy golave, megjithatë skuadra mysafire përmbysi rezultatit, duke i realizuar tre gola radhazi.
Te Leverkusen sfidën e hapi Jeremie Frimpong, kurse 6 minuta më vonë, Leverkusen dyfishoi epërsinë përmes Grimaldos në minutën e 45-të.
E pak pa mbaruar pjesa e parë, mysafirët gjetën golin për ta ngushtuar epërsinë në minutën e 7-të të kohës shtesë përmes Kevin Kampl, për të shkuar në pushim me rezultat 2-1.
Në minutën e 57-të, rezultati u barazua nga sulmues Lois Openda.
Goli i përmbysjes së rezultatit erdhi në minutën e 80-të, kur sërish Openda realizoi, dopietën e tij dhe golin e tretë për klubin, që në fund doli të ishte fitues i ndeshjes.
Leverkusen kësisoj mbyll një ecuri prej 35 ndeshjeve pa humbje në Bundesliga, duke shkruar histori edicionin e kaluar si skuadra e parë që kompleton një sezon të tërë të Bundesligas pa një humbje.
