Dy motrat, Antonela dhe Mariela Berisha, janë vetëdorëzuar ditën e djeshme në policinë e Tiranës pas dy muajsh në kërkim për rrahjen e Klea Prengës.
Ditën e sotme kanë qarkulluar disa pamje të Antonela Berishës teksa pret në hollin e Gjykatës nisjen e gjyqit për çështjen e sulmit fizik ndaj Klea Prengës. Ama duket se seanca e gjyqit është ditën e nesërme dhe shkak për këtë është mos shoqërimi i Marielës nga blloku i sigurisë.
Kujtojmë se ditën e djeshme pas vetëdorëzimit dhe mbarimit të procedurave, Mariela ka kaluar natën në bllokun e sigurisë.
Ngjarja e rëndë ndodhi më 6 gusht 2024, kur Klea, e cila ishte duke darkuar në një restorant, u sulmua barbarisht nga motrat, të cilat e goditën me sende të forta, përfshirë shishe qelqi, duke i shkaktuar dëmtime të rënda në fytyrë.
Shkak i dhunës së rëndë nga motrat Berisha është një marrëdhënie mes bashkëshortit të Marielës me blogeren e njohur.
