Ministri i Mbrojtjes, Ejup Maqedonci do të raportojë në Komisionin për Çështje të Sigurisë dhe Mbrojtjes pasi është ftuar me propozim të deputetit të LDK-së, Anton Quni.
Sipas Qunit, Maqedonci duhet të raportojë para deputetëve për shërbimet e ushqimit dhe largimin e ushtarëve të FSK-së.
“Kemi parë lajmet në media që kohët e fundit ngritën disa shqetësime. Kam pasur kërkesa për shërbimet e FSK-së me ushqim. E kam konsideruar që është e pandershme me u deklaru pa pasur informata zyrtare nga Ministria e Mbrojtjes”.
Nga ana tjetër, edhe deputeti i VV-së, Enver Dugolli u pajtua me propozimin e Qunit.
