LDK-ja pritet t’i ketë 20 deputetë në Kuvendin e Kosovës.
Në media është publikuar lista e re e deputetëve të Lidhjes Demokratike të Kosovës (LDK), pas numërimit të votave të diasporës.
Sipas rezultateve të votave të numërura deri më tash, nga kjo parti pjesë e Kuvendit pritet të jenë bartësi i listës e kandidati për kryeministër, Lumir Abdixhiku, Doarsa Kica-Xhelili, Hykmete Bajrami, Avdullah Hoti, Anton Quni, Lutfi Haziri, Jehona Lushaku, Armend Zemaj, Hysen Cekaj, Fadil Hadërgjonaj, Besian Mustafa, Ekrem Hyseni, Marigona Geci, Krenar Xhaferi, Alban Zogaj, Arben Gashi e Paris Guri, teksa me kuotë gjinore do të hyjnë edhe Serbeze Kabashi Muqaj dhe Arjeta Salihu Abazi.
Gazmend Muhaxheri dhe Imri Ahmeti parashihet t’i lëshojnë ulëset, meqë do të mbajnë pozitën e Kryetarit të Pejës dhe Lipjanit.
Në rezultatet e paraqitura në tabelën e mëposhtme nuk janë të përfshira votat me kusht dhe ato të personave me nevoja të veçanta.
