Kryetari i Nismës Socialdemokrate, Fatmir Limaj ka thënë se Kosovës i duhet një kryeministër që krijon paqe dhe jo kërcënime dhe frika imagjinare.
Ai ka thënë se Kosova nuk ka rrezik nga Serbisë, por sipas tij rreziku i vetëm është në Prishtinë.
Tutje, ai tha se sulme terroriste ka pasur dhe do të këtë dhe sipas tij Kosova ka kapacitete të mjaftushme për t’i përballur këto sulme.
“Neve na duhet një kryeministër që garanton paqe, mirëqenie dhe siguri. Neve na duhet një kryeministër që fol për ekonomi e zhvillim. Neve nuk na duhet një kryeministër që qeveris përmes traumave kërcënimeve e frikave imagjinare. Kosova nuk e ka rrezikun prej Serbisë harrone këtë punë. Ekzistenca e Kosova rrezikun e vetëm e ka prej neve në Prishtinë. Sulme terroriste ka pasur dhe ka më pas. Çfarë pret prej tyre? Kosova ka kapacitete të mjaftueshme për me i neutralizu ato. Kosova është e bekuar që ka NATO-n në kufi. Mos e harroni kurrë”, ka deklaruar Limaj.
