Një ngjarje e rëndë ka ndodhur mbrëmjen e së shtunës në Tiranë, ku babai ka qëlluar me thikë djalin e tij, duke i shkaktuar vdekjen.
Krimi ka ndodhur në banesën që ndodhet në rrugën “Ilia Shyti” te zona e Kodrës së Priftit. Referuar të dhënave, babai Hekuran Gjoni ka qëlluar me thikë djalin e tij, Asim Gjoni, i cili ka humbur jetën rrugës për në spital.
74-vjeçari Hekuran Gjoni dhe djali i tij, Asimi, 37-vjeçar, janë përfshirë në një debat mes tyre, që duket se ka precipituar në përdorimin e një thike.
Raportohet se si babai ashtu edhe djali kanë qenë në gjendje të dehur. Autori i dyshuar i krimit ka pranuar autorësinë para policisë, e cila e ka shoqëruar pak minuta pas krimit.
