Ministri i Administrimit të Pushtetit Lokal, Elbert Krasniqi, ka thënë se situata në veriun e vendit është e qetë, prandaj beson thellësisht se nuk ka asnjë arsye që Ura e Ibrit të qëndrojë e mbyllur.
Mirëpo, ai nuk është përgjigjur se kur do të hapet ajo, teksa ka thënë se hapja e saj nuk do të kishte asnjë ndikim negativ në vend.
“Nuk ka asnjë arsye që kjo urë të qëndrojë e mbyllur. Qytetarët nga veriu kalojnë në pjesën jugore, qytartët e jugut kalojnë nga pjesa e veriut. Situata është e qetë, e kontrolluar, është në atë formë që hapja e urës nuk do të kishte asnjë ndikim. Besojmë thellësisht se këtu nuk ka asnjë arsye që të mos ketë hapje të urës”, delaroi ai, në një konferencë për medie pas mbledhjes së qeverisë.
