Komandanti i përgjithshëm i forcave të armatosura ukrainase, Oleksandr Syrskyi, ka thënë se forcat e Ukrainës nuk janë në rrezik të rrethimit në rajonin e Kurskut në Rusi, krahas raporteve për një kundërofensivë të fundit nga forcat ruse, ku u tha se u përfshinë edhe ushtarë nga Koreja e Veriut.
“Krahas përfshirjes së një numri të konsiderueshëm të trupave ruse në ofensivë, të përforcuara nga këmbësoria e Koresë së Veriut, armiku po pëson humbje të konsiderueshme në fuqi punëtore dhe pajisje”, ka thënë ai, raportoi të hënën The Guardian.
Ushtria ruse pretendon se forcat e saj janë pranë rrethimit të mijëra trupave ukrainase që luftojnë në territorin rus të Kurskut.
Presidenti ukrainas, Volodymyr Zelensky, ka mbërritur të hënën në Arabinë Saudite për bisedime me Mohammed bin Salman, qeveria e të cilit ka luajtur rol ndërmjetëses mes Ukrainës e Rusisë.
