Koçan, protestuesit ‘shkatërrojnë’ kafenenë që është nën pronësi të pronarit të diskotekës “Puls”

Një grup i protestuesve në Koçan të Maqedonisë së Veriut e kanë prishur kafenenë “Klasik”, pronari i të cilës është pronar edhe i diskotekës “Puls”, ku nga zjarri jetën humbën 59 persona, kurse mbi 100 të tjerë mbetën të lënduar.

Protestuesit shkuan edhe te ndërtesa e komunës, ku filluan të gjuajnë me gjësende të ndryshme në drejtim të objektit, deri sa kërkonin që të paraqitet kreu i komunës Lupço Papazov, i cili sot edhe njoftoi se tashmë ka dhënë dorëheqje.