Pak orë më parë, Feronikeli ’74 njoftoi tërheqjen nga Superliga dhe garat e FFK-së.
Klubi nga Drenasi nuk ishte pajtuar tahsmë e disa kohë me vendimet e gjyqtarëve dhe i kanë akuzuar në vazhdimësi për padrejtësi dhe për këtë arsye tashmë kanë marr vendim që të tërhiqen.
Çka ndodh tani me klubet e Supeligës?
Sipas rregullores së garave të këtij sezoni, nëse një klub tërhiqet ose përjashtohet para se të zhvilloj 50% të ndeshjeve të atij sezoni, të gjitha rezultatet e tyre dhe pikët deri në atë moment bëhen të pavlefshme.
Me këtë rast, pasi ka kaluar vetëm 30% e sezonit, ekipeve të tjera do iu numërohen si të pavlefshme pikët e fituara ndaj Niklit.
Nga kjo rregullore, më së shumti do të pësoj skuadra e Ferizaji, ku do ti minusohen 6 pikë.
Llpai do të ketë 4 pikë më pak, Ballkani, Suhareka, Prishtina, Gjilani e Dukagjini do të kenë nga 3 pikë më pak, ndërsa Drita e Malisheva nga 1 pikë.
