Një aksident tragjik ka ndodhur në orët e vona të së dielës në Bresje të Fushë Kosovës, ku një këmbësor është goditur nga një veturë dhe ka humbur jetën.
Viktima, i identifikuar si Selim Muçiq, do të varroset sot në fshatin Llapashticë e Epërme, në një ceremoni që do të mbahet në ora 17:00.
Ndërkaq, lidhur me rastin, shoferi i veturës është arrestuar dhe dërguar në mbajtje nga autoritetet për hetime të mëtejshme.
Policia ka nisur procedurat për sqarimin e rrethanave të aksidentit dhe për të përcaktuar shkaqet e tij.
