Të paktën katër persona kanë humbur jetën në Gjermani si pasojë e aksidenteve të lidhura me fishekzjarrët gjatë festimeve të Vitit të Ri.
Në Berlin, mbi 300 persona u arrestuan të martën mbrëma.
Megjithatë, policia gjermane ka bërë të ditur se këtë vit nuk pati dhunë apo incidente të mëdha, ndryshe nga rastet e mëparshme, raporton “BBC”.
Përdorimi i fishekzjarrëve për festimin e Vitit të Ri është bërë objekt kritikash vitet e fundit.
Në disa shtete, madje, është kërkuar ndalimi i tyre, veçanërisht pas trazirave dhe sulmeve ndaj ekipeve të emergjencës gjatë festimeve të vitit të kaluar.
