Kryetari i LDK-së, Lumir Abdixhiku, ka refuzuar publikisht ftesën e Lëvizjes Vetëvendosje për të hyrë në koalicion qeverisës. Në vend të kësaj, ai ka propozuar formimin e një qeverie tranzicioni, duke theksuar nevojën për dalje nga kriza politike dhe përgatitjen e vendit për zgjedhje të reja. Kjo lëvizje thellon më tej bllokadën institucionale pas zgjedhjeve të 9 shkurtit.
Ish-ushtaraku, Muharrem Maralusha ka thënë se në paraqitjet e fundit publike, Lumir Abdixhiku ka dëshmuar më shumë se kurrë më parë kush është dhe ku qëndron.
Sipas Maralushës, ai po shihet politikisht i papjekur, me analiza të cekëta dhe që shpesh krijojnë dyshime për qëllimet e tij.
Madje, ai ngre hipoteza se mund të jetë në shërbim të interesave të huaja!
“Abdixhiku e tregoi të vërtetën: kush është dhe ku qëndron – politikisht i papjekur, si analist shumë i dobët, ndoshta është në shërbim të huajve, dhe se nuk e do Kosovën”, shkruan Maralusha.
