Gary Cohn, drejtor i Këshillit Kombëtar Ekonomik gjatë administratës së parë të Donald Trumpit, ka paralajmëruar se ndikimi i tarifave do të fillojë të ndihet në mbarë vendin nga fundi i muajit të ardhshëm.
Ai theksoi se personat me të ardhura më të ulëta do të “paguajnë në mënyrë disproporcionale një përqindje më të madhe të tarifave.”
Sipas Cohn, ky parashikim për fundin e majit bazohet në kohën që kërkohet për transportin dhe shpërndarjen e mallrave, deklaratë që e bëri në emisionin “Face the Nation” në CBS.
Ai gjithashtu nënvizoi se individët nga sfondet socio-ekonomike më të ulëta “shpenzojnë 100% të pagës së tyre për mallra,” ndërsa “njerëzit më të pasur kursejnë një përqindje më të madhe të pagës së tyre,” çka nënkupton se tarifat do të godasin më rëndë amerikanët me të ardhura të ulëta, shkruan CNN.
