Sipas analistit Ilir Ibrahimi disa deklarata të ish-presidentit Trump për NATO-n janë keqkuptuar.
Sipas tij Trump ka kërkuar nga evropianët që ta rrisin shpenzimet e BPV-së në mbrojtje.
“Presidenti Trump gjatë presidencës së tij është keqkuptuar. Trumpi ka kërkuar që buxheti për NATO-n të jetë 2 për qind. E tash të gjitha shtetet po e çojnë në 2 për qind e më shumë buxhetin për ushtri”.
“Çështja e NATO-s nuk ka qenë në pikëpyetje në asnjë moment. Gjatë administratës Trump, nuk ka pasur asnjë tentativë për të cenuar NATO-n. Ato që ka kërkuar presidenti Trump është që për sigurinë tuaj duhet të jepni edhe ju kontributin tuaj”, deklaroi Ibrahimi.
