Ismet Tara, komandant i UÇK-së i njohur me emrin ‘Hoxha’, ka treguar detaje nga intervistimi i tij në Gjykatën Speciale të Hagës.
Një dokument për të cilin thoshte se cenon pavarësinë e Kosovës, ai thotë se kishin përgatitur hetuesit që e morën në pyetje në vitin 2019.
Sipas tij, ai dokument, akuzonte UÇK-në për vrasje e zhdukje të personave të ndryshëm.
Komandant Hoxha ka deklaruar se gjatë kohës që u mor në pyetje nga prokurorja, pati edhe tensione.
“I kam sha me nanë e babë, u mundojshin me më qetësu. Më dhanë pushim, i lypsha ata hetues që e kanë shkru atë dokument”, thotë në këtë intervistë Ismet Tara, një ditë pas kthimit nga Haga.
Komandant Hoxha ka thënë se fjalët e paraqitura në atë dokument, nuk i kishte thënë asnjëherë. Ai theksoi se në asnjë moment, nuk ka bërë ndonjë deklaratë e cila do të merrej si akuzë për krerët e UÇK-së.
Sipas tij, nëse ky dokument është përdorur edhe për dëshmitarë të tjerë, atëherë cenohet pavarësia e Kosovës.
“Nashta dikush u tut, e ka pranu qaty, edhe pasojat janë të mëdha”, tha ai.
