Nënkryetar i Kuvendit nga radhët e PDK-së, Enver Hoxhaj, ka përkujtuar një datë të rëndësishme për Kosovën, atë të fundit të mbikëqyrjes së pavarësisë, që ndodhi me 10 shtator të vitit 2012.
Përmes një statusi në Facebook, Hoxhaj gjithashtu ka publikuar një fotografi të përbashkët me Hashim Thaçin, atëherë kryeministër.
Tutje, ai ka theksuar se sot Kosova është nën sanksione perëndimore.
“Ku jemi sot? Shtatori i 2012 ishte ngjarje e pjekurisë so politike, por shtatori i 2024 është dëshmi e papjekurisë sonë politike. Në vend se të ndërtohet edhe më shumë identiteti kushtetues dhe shtetëror, Kosova është nën sanksione perëndimore dhe Kushtetuta shkelet çdo ditë” – ka shkruar ai.