Hoxha i njohur nga Mitrovica, Eroll Nesimi, në hytben e kësaj xhumaje ka folur për procesin e zgjedhjeve që po vijnë në Kosovë.
Ai ka këshilluar xhematin e tij të bëjnë kujdes se kënd ta votojnë.
“Vëllezër, tash është kohë fushate dhe vijnë ua kërkojnë votën. Shumëkush, duke shpalosur programe, duke përfshirë edhe ata që kanë pasur rastin të qeverisin,” ju ka thënë hoxha besimtarëve.
Ai ka shtuar se shëndeti është njëra nga obligimet që duhet ta kenë udhëheqësit e shtetit dhe ta përmirësojnë, e jo qytetarët të ikin jashtë vendit për shkak të shëndetësisë, e të mos kemi salla për operime dhe mjekë.
Nuk mjafton vetëm rruga e asfaltit, por duhet të punojnë edhe në sferat tjera, si për shembull, shëndetësia.
Hoxha nga Mitrovica ju ka rikujtuar se udhëheqësit kanë përgjegjësi në ditën e gjykimit dhe se qytetari do të japë llogari se kujt ia ka besuar përfaqësimin.
“Kujdes, kënd e zgjedhni, nëse i votoni ata që e kanë hidhëruar Allahun me vendimet e tyre, do të jepni llogari në ditën e gjykimit. Lutemi që të na udhëheqë dikush që i tutet Zotit,” ka thënë hoxha Eroll Nesimi.
