Kreu i Aleancës për Ardhmërinë e Kosovës (AAK), Ramush Haradinaj, ka theksuar se partia e tij mbetet e palëkundur në qëndrimin e saj lidhur me kandidaturën e Albulena Haxhiut për kryetare të Kuvendit. Ai ka deklaruar se nuk ka pasur ndryshime në qëndrimet e palëve, duke përfshirë opozitën.
Para fillimit të seancës, Haradinaj tha se, sipas informacioneve që disponon, nuk ka ndryshim as në kandidaturë e as në qëndrimet e partive opozitare.
“Me sa kam informata nuk ka ndryshim as në kandidaturë e as në qëndrime të partive të opozitës”, ka thënë Haradinaj.
Haradinaj gjithashtu theksoi se AAK do të mbështesë vetëm një kandidat konsensual për kryetar të Kuvendit.
“Po, këtë e kemi deklaruar edhe më herët”, ka shtuar ai.
