Në këtë edicion të “Big Brother”, Jozi Marku dhe Gjesti kanë pasur një mori debatesh që kanë tensionuar atmosferën në shtëpi.
Këngëtari nga Peja ka qenë ai që e përjashtoi fillimisht Gjestin për shkak të ofendimeve të rënda, ndërkohë që pas rikthimit të tij, ngacmimet dhe fërkimet mes dy artistëve vazhduan të shtohen.
Në ditën e sotme, tensioni mes tyre arriti kulmin. Jozi, duke vazhduar me sjelljen e tij të zakonshme të zgjuarit të shokëve nga gjumi, shqetësoi Gjestin, i cili reagoi me nervozizëm.
Ky i fundit i tha Jozit se ai nuk mund të duronte më sjelljen e tij dhe se “Big Brother” ishte praktikisht përfunduar për ta.
Pjesë nga biseda mes tyre:
Gjesti: “Nuk të duron askush, të vjen te shtëpia ta ngre veshin, të thotë ‘më lër rehat’, nuk e kam me kuptim të keq.”
Jozi: “Shyqyr që e përfundon kështu debatin.”
Gjesti: “Unë mangup nuk jam, a je duke kuptuar? Po them të vazhdosh edhe jashtë si je duke vazhduar me mua, kryhet sendi.”
Jozi: “Jashtë është tjetër gjë.”
Gjesti: “E po në rregull.”
Jozi: “Me vazhdu jashtë kështu, e di ti se çfarë të ndodh, besoj e ke pak se si fluturon.”
Gjesti: “Shijoje, akoma vjen me më zgju prej gjumit, po u kry, u burrë, u kry Bigu, në javën tjetër ecim të gjithë. Edhe çka po don? U kry Bigu.”
