Në qytetin historik të Lezhës, ku para 581 viteve u themelua Besëlidhja e Lezhës nën udhëheqjen e Gjergj Kastriot Skënderbeut, gjenerali Lahi Brahimaj zhvilloi një vizitë domethënëse së bashku me Daut Haradinajn dhe Ali Ahmetin.
Gjatë qëndrimit në këtë qytet me rëndësi të veçantë historike për shqiptarët, ata përkujtuan mesazhin e fuqishëm të Besëlidhjes së Lezhës, e cila mbetet një shembull i shkëlqyer i unitetit kombëtar. Ky moment shërben si një kujtesë se vetëm të bashkuar shqiptarët mund të përballojnë sfidat dhe të ndërtojnë një të ardhme të sigurt.
Vizita e personaliteteve të njohura të politikës dhe luftës për lirinë e shqiptarëve në këtë vend historik thekson rëndësinë e vazhdimit të bashkëpunimit dhe forcimit të lidhjeve ndërmjet shqiptarëve në të gjitha trojet.
Postimi i plotë:
Nga një kafe në Lezhë, këtë qytet historik, ku para 581 viteve u themelua aleanca më e rëndësishme shqiptare nën udhëheqjen e Gjergj Kastriot Skënderbeut.
Besëlidhja e Lezhës mbetet shembulli më i shkëlqyer i unitetit shqiptar, një mësim që na kujton se vetëm të bashkuar mund të përballojmë sfidat dhe të ndërtojmë të ardhmen.
